Völsungar léku síðasta leik sinn í A-riðli Soccerademótsins í knattspyrnu um síðustu helgi. Völsungur sigraði KA 2 í Boganum og voru lokatölur, 4-2. Elfar Árni Aðalsteinsson var enn og aftur í réttu skónum því hann skoraði tvö mörk og svo skoruðu þeir félagar Friðrik Mar Kristjánsson og Hrannar Björn Steingrímsson sitt markið hvor.

Völsungarnir unnu sinn riðil með fullt hús stiga og eru þar með komnir í úrslit Soccerademótsins þar sem þeir mæta sigurvegara B-riðils. Baráttan í B-riðlinum er á milli KA og Dalvík/Reynir og fer loka umferðin fram um næstu helgi.